பட்டப்பகலில் நடந்த போதை விருந்து

கடுவெல, ரனால பகுதியில் பட்டப்பகலில் நடத்தப்பட்ட போதை விருந்தொன்றை சுற்றிவளைத்த 11 பேர் கைது செய்யப்பட்டதாக

பொலிஸார் தெரிவித்தனர்.

அங்கு சந்தேகத்தின் பேரில் 7 ஆண்கள் மற்றும் 4 பெண்கள் கைது செய்யப்பட்டதுடன், அவர்களிடம் இருந்து 06.850 கிராம் ஐஸ் போதைப்பொருள் கைப்பற்றப்பட்டது.

கைது செய்யப்பட்ட பெண்கள் 28-48 வயதுக்கு இடைப்பட்டவர்கள் என்பதுடன், அத்துருகிரி, வத்தளை, வெல்லம்பிட்டி மற்றும் கொழும்பு 12 ஆகிய பகுதிகளைச் சேர்ந்தவர்கள்.

ஆண்கள் 25-44 வயதுடைய ரணல, பயகம, மருதானை, ஹோகந்தர, அதுரிகிரிய, வத்தளை மற்றும் கடுவெல ஆகிய பிரதேசங்களைச் சேர்ந்தவர்கள்.

கைது செய்யப்பட்டவர்களில் பாதாள உலக செயற்பாடுகளுடன் தொடர்புடைய சந்தேக நபரான “சோரா” என்பவரும் அடங்குவதாக பொலிஸார் தெரிவித்தனர்.

சந்தேகத்தின் பேரில் கைது செய்யப்பட்டவர்கள் இன்று (04) கடுவெல நீதவான் நீதிமன்றில் ஆஜர்படுத்தப்படவுள்ளனர்.