கஞ்சிகுடிச்சாறு மாவீரர் துயிலும் இல்லத்தில் நினைவேந்தல்!

அம்பாறை திருக்கோவில்

பிரதேச செயலாளர் பிரிவுக்கு உட்பட்ட கஞ்சிகுடிச்சாறு மாவீரர் துயிலும் இல்லத்தில் மாவீரர் நினைவேந்தல் நடைபெற்றது.

 

இந்த மாவீரர் துயிலும் இல்லத்தில்இன்று  (27 திகதி மாலை   தமிழரின் தேசிய மாவீரர் நாள் உணர்வுபூர்வமாக   முன்னெடுக்கப்பட்டது.

 

மாலை 6.05 மணிக்கு மாவீரர்களுக்கான  பொதுச் சுடர் ஏற்றி நினைவேந்தல் மேற்கொள்ளப்பட்டது. 

 

 

அத்துடன் மாவீரர் நினைவேந்தலை அனுஷ்டிக்க அநுர அரசு இடமளிக்கும் என்று நம்பிக்கையுடன் அங்கு சென்ற மக்களிடம் பொலிஸார் பாதுகாப்பு கெடுபிடிகளை விதித்து அங்கு செல்வதை தடுக்க முயற்பட்டனர்.

 

அத்துடன் அங்கு சென்ற வாகனங்களின் இலக்கங்கள் பொலிஸாரினால் பதியப்பட்ட பின்னர் குறித்த மாவீரர் துயிலும் இல்லத்துக்குச் செல்ல அனுமதிக்கப்பட்டனர்.

 

 

அத்துடன் அங்கு சென்ற பாராளுமன்ற உறுப்பினர் கஜேந்திரகுமார் பொன்னம்பலத்துடனும் பொலிஸார் முரண்பட்டதுடன் அங்கு சிறு பதற்ற நிலையும் ஏற்பட்டது.

 

அம்பாறை மாவட்டத்தில் உள்ள ஒரேயொரு மாவீரர் துயிலும் இல்லம் திருக்கோவில் பிரதேசத்தில் உள்ள கஞ்சிகுடிச்சாறு பிரதேசத்தில் அமைந்துள்ளது.அம்பாறை மாவட்டத்தில் 700க்கும் மேற்பட்ட மாவீரர்களின் நினைவுத் தூபிகள் நிறுவப்பட்டுள்ளன.

 

.