கப்பம் செலுத்தாதமையின்
அடிப்படையிலேயே ஹங்வெல்ல பிரதேசத்தில் வர்த்தகர் ஒருவர் இனந்தெரியாத துப்பாக்கிதாரி ஒருவரால் நேற்று முன்தினம் (30) இரவு சுட்டுக் கொல்லப்பட்டுள்ளார்.
துபாயில் தலைமறைவாகியுள்ள லலித் கன்னங்கர என்ற பாதாள உலகக் குழு உறுப்பினர் இந்தக் கொலையை முன்னெடுத்துள்ளதாகவும், அதேநேரம் அவரிடம் கப்பம் கோரிய வர்த்தகர்கள் குழுவொன்று அப்பகுதியில் உள்ள வீடுகளை விட்டு வெளியேறியுள்ளதாகவும் பொலிஸார் தெரிவித்துள்ளனர்.
அவரது கொலை மிரட்டல்களுக்கு அஞ்சி வர்த்தகர்கள் ஊடகங்களுக்கு கருத்து தெரிவிக்க மறுத்துவிட்டனர்.
இந்த சம்பவங்கள் அனைத்தும் தொடர்பில் மேற்கு தெற்கு பிரதிப் பொலிஸ் மா அதிபர் திரு.கயங்க மாரப்பனவின் மேற்பார்வையில் விசாரணைகள் இடம்பெற்று வருகின்றன.
ஹங்வெல்ல, நெலுவத்துடுவ பிரதேசத்தில் உள்ள வீடொன்றுக்குள் நுழைந்த இனந்தெரியாத துப்பாக்கிதாரி குறித்த வர்த்தகரை படுகொலை செய்துள்ளார்.
துப்பாக்கிச் சூடு நடத்தியவர் எப்படி குற்றத்தைச் செய்வதற்காக வீட்டின் சுவரில் இருந்து குதித்தார் என்பதும், துப்பாக்கிச் சூடு நடத்தியவர் எப்படி துப்பாக்கிச் சூடு நடத்திவிட்டு தப்பினார் என்பதும் சிசிரிவி கேமராவில் பதிவாகியுள்ளது.
துப்பாக்கிச் சூட்டு தாக்குதலில் காயமடைந்த 55 வயதான வஜிர நிஷாந்த என்ற வர்த்தகர் அவிசாவளை வைத்தியசாலையில் அனுமதிக்கப்பட்டபோது உயிரிழந்துள்ளதாக பொலிஸார் தெரிவிக்கின்றனர்.
இறந்தவரின் வீடு 2021 இல் தாக்கப்பட்டதுடன் அவரது வர்த்தக இடமும் தீக்கிரையாக்கப்பட்டது.
லலித் கன்னங்கர என்ற நபர் பல சந்தர்ப்பங்களில் கொலை செய்யப்பட்ட வர்த்தகரிடம் கப்பம் கோரியதாகவும், பணத்தை வழங்காததற்காக அவருக்கும் அவரது குடும்ப உறுப்பினர்களுக்கும் கொலை மிரட்டல் விடுக்கப்பட்டமையும் விசாரணைகளில் தெரிய வந்தது.
